Нечакъы яшынып турса да…

 

 

Республиканы Оьр судунда 25 йыл алъякъда болгъан жинаятчылыкъ ишге къаралгъан.

 

Россияны Ахтарыв комитетини Дагъыстан ахтарыв управлениеси судгъа бакъдыргъан материаллагъа гёре, 1998-нчи йылны июн айыны 17-нде о заман жагьил адам Магьачкъалада М.Гьажиевни атындагъы орамда  ерлешген тюкенлени бирисине гирип, сатывчу къатынгъа бир нече керен бичакъ булан уруп, авур яралар салгъан. Тонавчуну ол оьлгендир деп эсине гелген ва касдагъы 1500  манатны алып къачгъан.

Полицейскийлер ону тез тутгъанлар ва суд-медицина экспертизаны  къарары булан психоневрология диспансерге салынгъан болгъан. 1998-нчи йылны декабр айыны 25-нде ондан къачма бажаргъан.

Жинаятчы къардаш адамыны паспорту булан пайдаланып, Калуга ва Брянск облстларда яшынып тургъан. Тек 2022-нчи йылда полицейскийлер салгъан пусгъундан къутулуп болмагъан.

Суд тонавчуну 11 йылгъа эркинликден магьрюм этмек деген къарарны чыгъаргъан ва огъар туснакъ болжалын къатты низамы булангъы колонияда оьтгермеге тюшежек.

 

Алав АЛИЕВ.

 

Авторизация
*
*
Регистрация
*
*
*
Согласны с условиями сайта?
Генерация пароля