Июн айны ахырынчы гюнлеринде администрацияда Къызылюрт районну муаллимлерин абурлады ва савгъатлады. Жыйында Дагъыстанны Халкъ Жыйыныны депутаты Елена Павлюченко, район администрацияны ёлбашчысы Рустам Татарханов, орунбасары Адил Гьажаматов, билим берив управлениени начальниги Гьайбулла Гьажиев ва башгъалары ортакъчылыкъ этдилер.
Шо гюн муаллимлени атына инг де исси сёзлер айтылды. Яшлагъа билим беривде узакъ йыллар ишлегени ва яхшы натижалагъа етген муаллимлени Дагъыстанны Халкъ Жыйыныны атындан гьюрметлев грамоталар булан савгъатлады ва гюллер берди.
Савгъатлангъанланы арасында орта школаланы муаллимлери Асият Абдуллаева, Сайида Загьалаева, Асият Гьамзатова, Зугьра Ибигьажиева, Асият Гьажиева, Индира Омарова ва Айшат Шабанова бар эди.
Е.Павлюченко билдирген кюйде, бу йыл оьтгерилеген Муаллимни на насигьатчыны йылында Дагъыстанны Халкъ Жыйыны шулай чараланы бары да районларда оьтгерме гёз алгъа тутгъан.
