Москвада оьтгерилген фестивальны ортакъчысы

 

Бабаюрт районну Хамаматюртунда Бекишевни атындагъы 1 номерли орта школаны тамамлагъан Тимур Гьашымов Россияны тахшагьары Москвада оьтгерилген «Алдынлыланы гьаракаты» деген яшёрюмлени фестивалында ортакъчылыкъ этген.


 

Тимур, 9 класны битдирген сонг, гетген йыл Москва шагьардагъы медицина коллежине охума тюше ва аз заманны ичинде студентлени арасында алдынлылардан болуп токътай.

Т. Гьашымовну сёзлерине гёре, ол документлерин охумагъа тюшмек мурат булан Москва шагьардагъы беш де медицина коллежге йибере. Барындан да тегин охувгъа чакъырыв кагъыз геле, амма ол «Лап да яхшысы» деп гьали охуп турагъан коллежни сайлай ва шогъар гьёкюнмей.

Биринчи курсун янгы битдирсе де, Тимурну волонтёр-медиклени сиягьына къошгъан. Ол шагьарда оьтгерилеген гьар-бир чараларда да актив кюйде ортакъчылыкъ этип, оьзюн яхшы яндан гёрсетме бажаргъан.

Алдындагъы гюнлерде Москва шагьарда оьтгерилген фестиваль-ярышларында Москваны орта билим берив идараларындан гелген 30 командагъа къошулуп Тимур оьзюню командасы булан ортакъчылыкъ этген.

Гьакъыкъатда Тимур Гьашымовну «Акъ халатлылар» деген   командасы экинчи ерге ва савгъатгъа ес болгъан.

 

Авторизация
*
*
Регистрация
*
*
*
Согласны с условиями сайта?
Генерация пароля