Пачалыкъ Думаны депутаты Солтан Гьамзаев англатгъан кюйде, ол асгерге чакъырывгъа байлавлу чарада ортакъчылыкъ этежек. О гьакъда «Единая Россия» партияны прес-къуллугъу билдирген.

«Мен де, инанаман, мени ёлдашларым да бизин алдыбызгъа салынгъан борчланы кютмек учун гьаракат юрютежекбиз. Биз Донбас булан бир эдик, барбыз ва болажакъбыз», – деп билдирген дагъыстанлы депутат. Ол дагъы да: «Бизин уьлкени яшыртгъын душманлары алда да бар эди, гьали олар арагъа чыгъып гёрюнеген болгъан. Гюнбатыш бары да «къызыл гьызлардан» чыкъды. Олар Россия гесеклеге бёлюнгенни сюе. Шону учун да бизин халкъны бирлигин гёрсетме ва баш пачалыкъ борчланы кютме де заман гелди», – деп эсгерген.