Милли ёммакъланы гезикли фестивалы

 

 

Орус ва дагъыстан халкъ ёммакъланы гьар йыл арасы бёлюнмеген кюйде оьтгерилеген фестивалы яшлар гьасирет болуп къаравуллайгъан шатлы байрамланы бириси болуп токътай.

 

А–П.Салаватовну атындагъы къумукъ театрны бинасында оьтгерилеген  орус ва дагъыстан халкъ ёммакъланы 8-нчи республика фестивалыны финалында ортакъчылыкъ этген Буйнакск районну Капиркъумукъдагъы орта школасыны яшлары оьзлени гьайран уста оюну, пагьмулары булан къаравчуланы ва жюрини членлерин тамашагъа къалдырма болгъанлар.

Эсгерилген фестивальны финалында гьюнерлерин гёрсетген коллек-тивлеге дипломлар, грамоталар ва багьалы савгъатлар тапшурулгъан. Гиччи  ва ­оьрюм чагъындагъы охувчу яшланы милли халкъ ёммакъланы сигьрулу ва чебер дюньясына къуршап, оланы сагьнада къужурлу келпетлер яратма гьавас этип чалышмакъны кёп уллу ва терен маънасы бар. Ёммакълардан дарс алыв – яшланы яхшы якъдан оьсювюне оьтесиз арив таъсир эте, оланы гьислерин токъташдыра, милли ругь байлыгъын беклешдиривге туврадан-тувра болушлукъ эте.

Сагьнагъа чыгъып милли халкъ ёммакъланы гьайран тамаша, къужурлу дюньясына чомулгъан адам яшав гьалланы гьакъыллы кюйде юреги булан къабул этмеге уьйрене, сююв гьисни теренден сезе, четимликлерден енгил кюйде баш чыгъармагъа ёллар ахтара.

 

Казим КЪАГЬРУМАН.

 

Авторизация
*
*
Регистрация
*
*
*
Согласны с условиями сайта?
Генерация пароля