«Милли сиясат барыбызгъа да ортакъ»

 

Алдагъы гюнлерде «Дагестан» деген маълумат агентлигинде ДР-ни милли сиясатгъа, дин ишлеге къарайгъан министри  Энрик Муслимов журналистлер булан,  прес конференция оьтгерди.

 

Министр гиришив сёзюнде Республиканы милли сиясатгъа ва дин ишлеге къарайгъан минис­терлигини аслу  борчлары бизин респуб­ликада пачалыкъ милли сияситны, дин аралыкъланы,   жамият ишлени оьсювюню ва тыш пачалыкълардан гелген ватандашларына яшавлукъ-маданият онгай-лыкълар болдурувну гьайын этмек экенни эсгерди.

Э. Муслимовну айтывуна гёре,  илму академияны  социология ахтарывлары Дагъыстан Республикада милли аралыкъланы даражасы булан ватандашланы 91, 4 проценти, дин аралыкъланы даражасы булан буса ватандашланы 88 проценти рази экенин исбат этилген.

Шолай да, Россия Федерацияны Президенти токъташдыргъан пачалыкъ милли политиканы яшавгъа чыгъарывда бизин пачалыкъдагъы ва  рес-публикабыздагъы бары да  миллетлени ихтиярларын гёз алгъа тутмагъа  герек. Шо себепден министерликни  йылны боюнда юрюлеген чаралары эсгерилген стратегиягъа гёре юрюле.

Шондан къайры да, гетген йылдан берли минис­терлик террорчулукъну идеологиясына къаршы пачалыкъ программаны яшавгъа чыгъарывгъа тергев эте. Бу да –  минис­терликни аслу борчларыны бириси.

Министр оьзюню сёйлевюнде министерликни къуллукъчулары   район-лагъа барып,  ерлердеги   тамазаланы советлерини ортакъчылары, гьаракатчы адамлар булан  ёлугъуп,  гьар тюрлю масъалаланы  арагъа салып,  оланы чечивню гьайын этегенни ва бу йыл министерликни инг агьамиятлы гьаракаты булан «Вахта Героев Отечества» деген патриот  чара оьтгерилгенни эсгерди ва булай деди:

– Мен ойлашагъан кюйде, милли сиясат булан бары да министерликлер,  пачалыкъ къурумлар ва ватандашлар машгъул болмагъа герек. Эгер де жамиятны арасында бирлик болмаса, бизге алгъа бармагъа ва оьсмеге бажарылмажакъ.

 

П. БЕКЕЕВА.

 

Авторизация
*
*
Регистрация
*
*
*
Согласны с условиями сайта?
Генерация пароля