Айтагъаным, ол бир оюнну да утдурмагъан. Ярышларда тогъуз керен ойнагъан ва барында да уьст гелме бажаргъан. Марьям ойнайгъан команда финал группагъа чыгъып, ондагъы Рязан ва Барнаул медицина университетлени командаларын утуп, биринчи савгъатгъа ес болгъан.

Марьям Темиркъазыкъ-Кавказ федерал округну чемпионатларында бир нече керен савгъатлы ерлени къазангъан. Дагъыстанны чемпионатларында буса къумукъ къыз кёп керен биринчи ерде болгъан. Ону атасы Батырхан Бамматкъазиев де теннисден Дагъыстанны чемпионатларында кёп керен савгъатлагъа ес болгъан.

– Гетген йыл Ставрополь шагьарда Россияны чемпионатында Марьямгъа утма насип болмады. Бу йыл ол бек къаст этип, ойнап уьст гелип, бизин сююндюрдю, –деди Батырхан Бамматкъазиев.

Марьямны уьстюнлюгю булан биз де къутлайбыз.

 

Суратда: М.Бамматкъазиева.