Россияны оьзге регионларында йимик, арт вакътилерде артып тербейген багьаланы алдын алмакъ муратда республикабызда да бир къадар чаралар гёрюле. Шолайлыкъда, Дагъыстанны башчыларыны тапшурувуна гёре бизин республикабызда да шону алдын алмакъ учун ерли муниципал къурулувларында сурсат маллар сатылагъан ярмакюлени оьтгерив давам этилине.
Бу гезик уллу юрт хозяйство ярмакю ДР-ни юрт хозяйство ва сурсат, промышленност ва сатыв-алыв министерликлерини ва шолай да республикабызны тахшагьарыны администрациясыны сиптечилиги булан оьтгериле.
Республикабызны юрт хозяйство ва сурсат министрини заместители Эмин Шейхгьасанов бизге билдиреген кюйде, Магьачкъаланы Ярагъыны ва Пушкинни атындагъы орамларыны аралыгъында Ленинград деген къонакъюйню ювугъунда болажакъ. Ярмакюде авлакъ ниъматлар ва гьайванчылыкъ тармакъда оьсдюрюлеген продукция мал болдурувчуланы багьаларына сатылажакъ деп къаравуллана.
Ярмакю бу йылны апрель айыны 9-нчу гюнюнде оьтгерилежек.
Къ. КЪАРАЕВ.
