Волгоград областны Камышин шагьар судунда 31 йыллыкъ дагъыстанлыны уголовный ишине къаралгъан.

Судда аян этилген кюйде, ол 2017-нчи йылда Камышиндеги оьсювюнде артда къалагъан яшлар учун ачылгъан уьй-интернатдан 8 яшны алып Дагъыстангъа гелтирген. Законгъа гёре энниден сонг ол яшлагъа ата да, ана да дегенлей болмагъа герек болгъан. Тек яшлар гюнлер булан къаравсуз къалып тургъан. Ондан къайры, айыпланагъан адам оланы банкдагъы счётларындан 8 миллион манатны алып, оьз пайдасына къоллагъан.

Суд макюрчюню 5 йылгъа эркинликден магьрюм этмек деп къарар чыгъаргъан. Ондан къайры, огъар 500 минг къоду тёлеме тюшежек.
Суд неге буса да, уьй-интернатны къуллукъчуларына байлавлу янашывун айтмагъан. Неге языкъ яшлар макюрчюню къолуна тюшген?