1944-нчю йылны январ айыны биринчи гюнлеринде 568-нчи атышывчу полкну танкланы дагъытагъан бёлюгюню командирини заместители сержант Абдуразакъ Датуев Украинаны Житомир областындагъы Новоград-Волынск шагьары учун юрюлген давларда душманны уллу машинин яллатгъан ва 10 немис солдатны оьлтюрген. Шо йылны май айыны 31-нде А.Датуев Макътавлукъ орденни 3-нчю даражасы булан савгъатлангъан.
Арадан эки ай гетип, огъар Польшаны дазуларындагъы Висла оьзенни сол ягъындагъы къанлы ябушувларда авур яра тие, тек ол дав ёлдашларындан айырылмай совет солдатлагъа гьужумгъа гётерилме къоймайгъан немис пулемётну атышывун гранат ташлап токътата. Ватан дагъыстанлы уланны игитлигине оьр къыймат бере ва сержант Датуевни Макътавлукъ орденни 2-нчи даражасы булан савгъатлай.
Давну лап ахырынчы гюнлерине ерли Абдуразакъ Датуев къыргъынлы ябушувларда ортакъчылыкъ эте. 1945-нчи йылны апрель айыны 24-нде ол Котбус шагьарны (Германия) эки чакъырым аридеги Марцдорф деген юртуну айланасындагъы давларда оьзюню пулемёту булан атышып, бир нече керен гьужум этме гётерилген фашистлени токътатгъан, хыйлы елевчюню дагъытгъан.
1967-нчи йылны декабр айыны 26-сында Абдуразакъ Алибекович Датуев немис-фашист елевчюлеге къаршы юрюлген давларда гёрсетген игитлиги учун, СССР-ни Оьр Советини Президиумуну къарары булан Макътавлукъ орденни 1-нчи даражасы булан савгъатлангъан.
Давдан сонг Абдуразакъ Алибекович ата юртундагъы «Юбилейный» деген совхозда хыйлы йыллар загьмат тёкген. А.Датуев 1979-нчу йылны март айыны 9-нда Къарланюртда гечинген.
Арадан эки ай гетип, огъар Польшаны дазуларындагъы Висла оьзенни сол ягъындагъы къанлы ябушувларда авур яра тие, тек ол дав ёлдашларындан айырылмай совет солдатлагъа гьужумгъа гётерилме къоймайгъан немис пулемётну атышывун гранат ташлап токътата. Ватан дагъыстанлы уланны игитлигине оьр къыймат бере ва сержант Датуевни Макътавлукъ орденни 2-нчи даражасы булан савгъатлай.
Давну лап ахырынчы гюнлерине ерли Абдуразакъ Датуев къыргъынлы ябушувларда ортакъчылыкъ эте. 1945-нчи йылны апрель айыны 24-нде ол Котбус шагьарны (Германия) эки чакъырым аридеги Марцдорф деген юртуну айланасындагъы давларда оьзюню пулемёту булан атышып, бир нече керен гьужум этме гётерилген фашистлени токътатгъан, хыйлы елевчюню дагъытгъан.
1967-нчи йылны декабр айыны 26-сында Абдуразакъ Алибекович Датуев немис-фашист елевчюлеге къаршы юрюлген давларда гёрсетген игитлиги учун, СССР-ни Оьр Советини Президиумуну къарары булан Макътавлукъ орденни 1-нчи даражасы булан савгъатлангъан.
Давдан сонг Абдуразакъ Алибекович ата юртундагъы «Юбилейный» деген совхозда хыйлы йыллар загьмат тёкген. А.Датуев 1979-нчу йылны март айыны 9-нда Къарланюртда гечинген.
