Гетген жума Дагъыстанны Гьукуматыны Председатели Абдулмуслим Абдулмуслимов бизин республикагъа ял алма гелген Луганск шагьарны 18 номерли школасыны охувчулары булан ёлукъгъан. Шо шагьардан гелген 50 яш «Солнечный берег» деген лагерде ерлешдирилген.
– Мен Луганск шагьаргъа баргъанда яйлыкъ каникулланы оьтгерме яшланы чакъыргъан эдим, муна бугюн сиз бизде къонакълыкъдасыз,– дей А.Абдулмуслимов, яшланы С.Меликовну атындан къутлай туруп. –Биз сав туруп, бизге дос ва янгы къошулгъан республикалагъа гьар заманда да кёмек этежекбиз. Мен яшёрюмлени оьтесиз сюемен, неге тюгюл олар бизин гележегибиз, бугюнлерде этилеген ишлер де сизин гележегигиз учун. Даимликде эсигизде къалар йимик ял алыгъыз, янгы танышлар тутугъуз.
Бу лагерде ял алмакъ ва бош заманын пайдалы йибермек учун бары да имканлыкълар яратылгъан: яшлар спорт булан машгъул болма, ярышларда ортакъчылыкъ этме, кинолагъа къарама, ингдеси, арив пляжы булангъы денгизде киринме болалар.
Яшлагъа мунда ялкъывлу болмажакъ, олардан къайры да лагерде хас асгер гьаракатларда ортакъчылыкъ этеген уланланы 250 яшы да ял ала.
