Лайыкълы савгъатлар

Къутлавлар

Россияны гюнюню алдында Дагъыстанны Башчысы Сергей Меликов гёрмекли даражалагъа етген дагъыс­танлылагъа пачалыкъ савгъатлар берди. Савгъатлангъанланы арасында къумукълар да бар.

А-П. Салаватовну атындагъы Дагъыстан пачалыкъ музыкалы-драма театрны артисти, Россияны ат къазангъан артисти Басир Насирович Магьамматов «За заслуги перед республикой Дагестан» деген орден булан савгъатланды.

Къумукъ театрны артисти Магьаммат Ибрагьимович Къасымовгъа «Дагъыстанны халкъ артисти» деген ат берилди.

Гьар йыл оьтгерилеген белгили язывчуланы асарларын таъсирли охуйгъанланы инг яхшысыны бириси болгъан Хасавюртдагъы С. Жанхуватовну атындагъы школаны муаллими Юлдуз Умарпашаевна Биярслановагъа буса Дагъыстанны Башчысыны атындан къол сагьат савгъат этилди.

Татам Муратовну атындагъы Дагъыстан пачалыкъ филармонияны йыраву, Дагъыстанны халкъ артисткасы Рукъуят Гьалимовна Гьамзатова Дагъыстанны Гьукуматыны Гьюрметлев грамотасы булан савгъатланды.

Авторизация
*
*
Регистрация
*
*
*
Согласны с условиями сайта?
Генерация пароля