Гьюрметли дагъыстанлылар!
Россияны тарихлени теренинден тамур алагъан Халкъны бирлигини гюню булан сизин къутлайман. Дёрт юз йыллар алда пачалыкъ токъташып, гьар тюрлю эришивлюклеге ахыр салынгъан, уьлкени даражасын гётереген оьсювю башлангъан. Гьар тюрлю къатлавлар бирлешип, Ватанны гележегин болдурмакъ учунгъу гьаракат башлангъан.
«Бирче иш гёрейик» деген чакъырывну айланасына къуршалып, гёрмекли Ватанны тышдан гелеген зиянлы къоркъунчлардан къоруп сакълама гюч табылгъан. Шо гючден титиреп, Россияны елеме умут булан гелген душманлар мурадына етишме болмай гетгенлер. Биз, дагъыстанлылар, пачалыкъны бирлигин сакъламакъ нечик аслу иш экенни яхшы англайбыз.
Россияны Президенти Владимир Путин де айтгъанлай, экинчи дюнья давундан сонггъу йылланы инг онгсуз тюшген вакътисинде гетген тарихи девюрлени агьвалатлары бизден ругь бирликни, татывлукъну болдурмакъны талап эте. Шогъар байлавлу Украинада хас асгер операцияны яшавгъа чыгъара туруп, алдынлы сыдраларда гьаракат юрютеген минглер булангъы асгер къуллукъчулар огъар шагьатлыкъ эте.
Россияны ёлу – гертиликни ва тюзлюкню, эркинликни ва харлысызлыкъны ёлу. Бизде, Кавказда айтылагъанлай, нечакъы уллу ишни де бюдюремей башласанг, ахырына чыкъма амал бола.
Барыгъызгъа да парахатлыкъ, яхшы савлукъ, рагьму ва аманлыкъ ёрайман!
Дагъыстанны Башчысы
Сергей МЕЛИКОВ.
