Артдагъы гюнлерде Бабаюрт районну башчысы Даниял Исламов, Каспийск шагьарда тутушуп ябушувдан оьтгерилген Россияны чемпионатында 3-нчю ерни алгъан Азнавур Таваев булан ёлугъув оьтгерген. Ёлугъувну башында Даниял Исламов   ону Россия оьлчевде оьтгерилген чемпионатында савгъатлы ерге ес болгъаны булан къутлагъан.

– Бизин   эки кочабызын 3-нчю ерге лайыкълы болгъаны, энниден сонг да районда спортну бу журасын оьсдюрювге къошум этежекге   ва алдынлы ерлени къазанажагъына инанаман, – деди ол.

Лакъырлашывну барышында Д. Исламов, Дагъыстанда спортну лап да сююмлю журасы болуп токътагъан тутушуп ябушувну оьсдюрювге байлавлу болуп район администрацияны янындан харж булан кёмек этилежеги ва оьзге тюрлю ти­йишли чаралар да гёрюлежеги гьакъда айтды.

Оьз гезигинде Азнавур Таваев ювукъ адамлары, дос-къардашы булан ­оьзюн якълагъанлагъа гьакъ юрекден баракалла билдирди ва яшёрюмлени спорт, айрокъда тутушуп ябушув журасы булан машгъул болуп,    районда спортну оьсювюне аслам къошум этмеге чакъырды.

Ёлугъувну ахырында Даниял Исламов Азнавургъа оьзюню уьстюн-люклери булан янгыз бизин районда тюгюл, савлай ­ республикабызны яшёрюмлерине уьлгю болмакъны ёрады.