Хумторкъали районну гьюрметли ватандашлары!
Етишип гелеген 2023-нчю Янгы йыл булан сизин барыгъызны да гьакъ юрекден къутлайман!
2022-нчи йыл тарихге гетди. 2023-нчю Янгы йылны узата туруп, гетген йылны гьасиллерин чыгъарабыз, гележекде этеген ишлерибизни гёз алгъа тутабыз.
Гетген йыл адамланы яшав-туруш гьаллары тынч тюгюл эди. Болса да, 2022-нчи йылны яхшы гьасиллер булан тамамладыкъ. Янгы йыл гетген заманны, бугюнню ва гележекни къоша, янгы ярыкъ умутлагъа байлай.
Бизин районда яшайгъан гьар ватандашгъа гьар гюнлюк гьаракаты, чалышыву, иши булан районну оьсювюне оьз къошумун этегени учун гьакъ юрекден разилигимни билдирмеге сюемен. Биригип, бирче ишлесек, нечакъы къыйын масъаланы да енгил чечмеге болажагъыбызгъа мен герти кюйде инанаман.
Россияны ватандашлары булан бирче биз де янгы йылны къаршылажакъбыз. Хумторкъали районну бары да ватандашларына аврувларынсыркъавларын эсги йылда къоюп, Янгы йылны ачыкъ гёнгюл, ярыкъ умутлар булан инамлы кюйде къаршылама Аллагь насип этсин!
2023-нчю йыл гьар ожакъгъа, гьар адамгъа савлукъ, сююв, шатлыкъ ва насип берсин!
Хумторкъали район администрацияны башчысы Айнутдин ЗИЯВУТДИНОВ.
