РАЙОНЛАНЫ БАШЧЫЛАРЫНЫ КЪУТЛАВЛАРЫ:
Хасавюрт районну ва Дагъыстанны жамияты!
2023-нчю йыл булан барыгъызны да гьакъ юрекден къутлайман. Янгы йыл булан янгы умутлар, янгы ойлар, демек, бары да ишибизде янгылыкълар гёзлейбиз, пашманлыкъларыбыз унутулар, шатлыгъыбыз ва сююнчюбюз артар деп умут этемен. Янгы йылны алдында къайсыбыз да яхшы умутлар ойлашабыз. Мен де шо оюгъуз, умутларыгъыз яшавгъа чыкъмакъны ёрайман.
Гетип барагъан йыл бизин кёп уллу биригип этилинген загьмат оьрлюклеге етишдирди. Яшавлукъ-экономика оьсювню айтсакъ, районда милли проектлеге гёре кёп ишлер этилди: натижада юртланы гёрюнюшю алышынды, яхшылашды. Юртларда шагьар онгайлыкълар болдурулду, ёллардагъы ишлер, сув булан таъмин этив, школалар къурув давам этилди ва яшлар бавлар ачылды.
Гелеген йылда да гьаракатыбызны кемитмежекбиз, ватандашланы яшавун яхшылашдырывгъа бакъгъан якъдагъы ишлер давам этилежек. Хасавюрт район гьар йыл тюзлюкдеги муниципалитетлени арасында республикада алдынлы ерлени ала. Шо буса – администрацияны, депутатланы, ич ишлени къуллукъчуларыны ва загьматчыланы биригип этеген ишини гьасили. Мен барына да баракалламны билдирме сюемен.
Гелеген Янгы йыл булан барыгъызны да къутлайман ва 2023-нчю йыл парахатлыкъны йылы болсун, агьлюлеригизге насип, аманлыкъ ва берекет гелтиреген йыл болсун деп айтма сюемен. Насипли болугъуз, аявлу адамларыгъыздан айрылмагъыз ва бир-биревден сююнюп яшагъыз!
Хасавюрт районну администрациясыны башчысы Арсланбек Алибеков.
