Айрокъда артдагъы вакътилерде Федерал программагъа гёре, юртлардагъы, районлардагъы савлукъ сакълав идараланы ишин яхшылашдырмагъа гьаракат этилип тура десе де ярай.

Мисал учун, Хасавюрт шагьар больница гьалиги медицина талаплагъа жавап береген техника: ­фиброскоплар, электроотсослар, оьзге аппаратлар булан таъмин этилген. Шоланы барысын да Дагъыстанны савлукъ сакълав министерлиги медицина тармакъны гётермек учун ­онгарылгъан Федерал ва «Савлукъ сакълав» деген милли проектлеге гёре алгъан.

Олай да, диагнозну тюз токъташдырма болагъан шо аппаратлардан къайры да, шагьарда тезликде медицина кёмек этмек муратда «Савлукъ сакълав къуллугъу» деген хас белгиси булангъы санитар автотранспорт да берилген.