Гьар-бир адам йимик, биз де умутлар булан яшайбыз

Оьзге кюйде бажарылмай. Етишип гелген янгы 2023-нчю йылда биз, Къаягент районлулар, оьтген 2022-нчи йылны гьасиллерин чыгъарабыз. Гьисап этип къарагъанда, натижаларыбыз яман тюгюл. Айтагъаным, районну экономикасы, халкъны яшаву яхшылашды демеге сюемен.

Гьали 2023-нчю йылгъа абат алдыкъ. Янгы йылда да умутларыбыз уллу, хыялларыбыз дагъы да хыйлы. Бизин учун юрт хозяйствону оьсдюрюв агьамиятлы, шо тармакъда ишлейгенлени талапларын яшавгъа чыгъарыв – халкъны яшав шартларын яхшылашдырывну ёлларыны бириси.

Сонг да, 2023-нчю йылда бизин районда «Къаягент» деген курорт шагьарны къурув ишлер башланажакъ. Шону булан да уллу алмашынывлар гёз алгъа тутулгъан. Шолагъа бек разибиз.

Янгы, 2023-нчю йыл булан барыгъызны да къутлай туруп, районну экономикасын, халкъыбызны яшавун гётермек учун дагъы да бек гьаракат этип ишлемеге чакъыраман.

Къаягент район администрацияны башчысы Магьаммат ЭЛДЕРХАНОВ