Къайтып туснакъгъа тюшежек

 

Полицейскийлер алда «Вагнер» деген онгача асгер къурумда къуллукъ этген эки жагьил адамны тутгъан. Олар «Голд проект» деген компанияны башчысын гючден машинини ичине тыгъып, Къызылюрт районну Зубутли-Миятлы юртуну къырыйындагъы бир ерде сакълай болгъан.

Жинаятчылар далапчыны дос-къардашындан ону сав-саламат азат этмек учун, 35 миллион манатны алма сюйген.  Арадан 20 сагьат оьтюп, шо ерге далапчыны ювукъ адамы 31,5 миллион манатны гелтирген. Тек жинаятчылар шо акъча булан йыракъгъа къачып бажармагъан. Олар полицейскийлер  ёлда алданокъ къургъан къамавгъа тюшген ва тутулгъан.

Алда тонавчулар полицияда къуллукъ эте болгъан.  Тек савут сатывда ва оьзге жинаятчылыкъларда тутулуп, туснакъгъа тюшген. Украина бойдагъы хас асгер гьаракат башлангъанда, олагъа «Вагнерге» гёнгюллю кюйде къошулмагъа ихтияр берилген.  Амма гиччи ватанына къайтгъанда янгыдан законсуз ишлеге урунгъан.

Бу гезик олагъа туснакъ болжалын ахырына ерли оьтгермеге тюшежек.

 

Алав АЛИЕВ

 

Авторизация
*
*
Регистрация
*
*
*
Согласны с условиями сайта?
Генерация пароля