Иштагьландырывну шартлары яратыла


 


Бизин республикабызда аграрный комплексини оьсювюнде юрт хозяйство касбучуланы гьазирлевге артдагъы вакътилерде айрыча тергев бакъдырыла. Белгили болгъан кюйде, юрт хозяйство тармакъда оьтгерилеген лап да авур ва тарыкълы къуллукълар механизатор кадрланы гьаракаты булан яшавгъа чыгъарылагъанын бирев де инкар этмеге болмас. Неге десегиз, авлакъ ишлени машинлешдирмей туруп, къол загьмат булан уллу майданланы ишлетмеге четим бола.

 

Сурсат аманлыгъын болдурувну оьлчевюнде бугюнлерде ДР-ни юрт хозяйство ва сурсат министрини биринчи заместители Шарип Шарипов оьтгерген генгешде.   Къыбла Дагъыстандагъы районлар учун механизатор кадрлар гьазирлевню имканлыкълары» деген темагъа байлавлу дарс беривчюлер ва охувчулар булан бирликде генг кюйде гьакълашыв болгъан.

Буссагьатгъы вакътиде бизин республикабызны 18 муниципал къурулувларындан гелген 1 мингден де кёп охувчулар танглагъан касбусуна гёре билимлерин камиллешдире. Охувда илмуну сынав булан байлавлугъу болмаса, касбучуланы билимлери толу болмайгъаны гьакъ. Шону учун эсгерилген охув ожакълар касбучуланы гьазирлевде республикабызны юрт хозяйство предприятиелери булан байлавлукъда иш гёре.

Охувчулар учун Гьайдакъ, Къаягент, Дербент, Сулейман-Стальск район­ларда, Дербентдеги шампанское чагъырлар чыгъа­рагъан заводну ва шолай да Сулейман-Стальск райондагъы «Полоса» деген ихтиярлары дазуландырылгъан акционер жамиятны авлакъларында, юзюмлюклерде, емиш бавларда сынав дарслар оьтгерилегени гьакъда да айрыча эсгермеге тюше.

Генгешде юрюлген гьакълашывланы натижасында пайдалы так­лифлер арагъа чыгъарылгъан ва хас къарар къабул этилинген. Къарарда яш касбучуланы иштагьландырмакъ учун олар сынав топлайгъан юрт хозяйство предприятиелерини администрацияларыны янындан хас стипендияланы токъташдырыв айрыча хат булан эсгерилген.

– Гертиден де, юрт хозяйство учун касбучуланы гьазирлевде ола­ны материал ва ругь якъдан иштагьландырывгъа айрыча тергев бакъдырмагъа тарыкъ бола, – деген Шарип Шарипов, генгешде болгъан гьакълашывланы жамын чыгъа­ра туруп. – Шону учун бизин министерликни янындан да коллежни лабораториясыны ва олар булан байлавлукъ юрютген юрт хозяйство предприятиелени техника базасын тарыкълы гёрсетив алатлар, юрт хозяйство машинлер, къураллар булан толумлашдырмагъа гележекде кёмек этилежек.

Авторизация
*
*
Регистрация
*
*
*
Согласны с условиями сайта?
Генерация пароля