Игитни эсделигине — гюл байламлар

 

 

9-нчу декабрде савлай уьлкебизде Ватанны Игитлерини гюню белгиленди. Къызылюрт районну Солтан Янгыюртунда ерлешген 1-нчи номерли лицейде кёп халкъны ортакъчылыгъы булан Совет Союзну Игити оьзю де генг кёклени лачини, лётчик Юсуп Акаевни эсделигине багъышланып чара болду. Бу агьвалат денгиз авиацияны тенгсиз батыр уланына салынгъан эсделикни алдында юрюлдю.

 

Юсуп Абдуллабекович Акаевни гьакъында айтайыкъ. Буйнакск шагьардан ва райондан эл макътагъан адамлар кёп чыкъгъан. Оьзюню къагьруманларын, алимлерин ва гьюрметге лайыкълы адамларын халкъ унутмай.

Юсуп Акаев Солтан-Янгыюртда ерлешген орта школада (гьалиги лицей) билим алгъан. Жюнгютейден чыкъгъан Совет Союзуну Игити, макътавлу лётчик, къоркъув билмейген Юсуп Акаевни аты ва ол давда гёрсетген къоччакълыкълар гьалиги оьсюп гелеген наслугъа да уллу уьлгю болуп токътай. Денгиз авиацияны лётчиги давну йылларында душманны 70-ден де артыкъ гемесин, дерт самолётун ёкъ этген. Ол кёп медаллар ва орденлер булан савгъатлангъан.

ДР-ни Халкъ Жыйыныны депутаты Гьажи Биярсланов Юсуп Акаев Ватанын якълап къагьруман йимик ябушгъанны, саламат ва сав кюйде яшагъанны гьакъын­да мисаллар эсгерип хабарлады. Чараны ахырында мемориал эсделикге жыйылгъанлар гюл байламлар салды.

Артдагъы вакътилерде оьсюп­ гелеген яш наслуну вакиллерин патриот ругьда тарбия­лавгъа, оланы тувуп оьс­ген элине бакъгъан сюювюн артдырывгъа айрыча агьамият бериле, охув ожакъларда шо гьакъда кёп тюрлю чаралар, гьаракатлар оьтгериле. Гьажи Биярсланов дагъы да шулай гьалда юрюлеген гьаракатлар гележек наслуну патриот ругьда тарбиялавда аслу  роль ойнайгъа­нын эсгерди.

 

Алибек САЛАВАТОВ.

СУРАТДА: гьаракатдан гёрюнюш.

Авторизация
*
*
Регистрация
*
*
*
Согласны с условиями сайта?
Генерация пароля