Алдагъы гюнлерде Магьачкъаладагъы 54 номерли орта школада «Ополченец-2023» деген  асгер-спорт оюнуну бир тирети оьтгерилген. Украина бойда юрюлеген хас асгер гьаракатда жанлары къыйылгъан игитлени эсделигине багъышланып оьтгерилген республиканы орта боюнда ерлешген районларындан гелген уланлар ва къызлар 6 командагъа къуршалып, шо оюнда ортакъчылыкъ этген. Олар тюбекден атышывгъа,  шону жыйывгъа, асгер юрюшге байлавлу ва  оьзге тюрлю сынавлардан оьтген.

 

Оюнну  гьасиллерине гёре биринчи ерни Магьачкъаладагъы 38 номерли гимназияны командасы алгъан. Экинчи ерге Магьачкъаладагъы 48 номерли орта школаны командасы лайыкълы болгъан. Уьчюнчю ерни де Буйнакск районну Тёбен Жюнгютей юртундагъы орта школасыны командасы къазангъан. Алдынлыкъ алгъан командалагъа ювукъ вакътини ичинде оьтгерилежек оюнланы финал тиретинде ортакъчылыкъ этмеге  имканлыкъ берилежек.

 

Насрулла БАЙБОЛАТОВ.