Хамаматюртну белгили уланы

 

 

Давну ортакъчысы Магьаммат Черивмурзаевни уланы Абдулла Черивмурзаев 1955-нчи йыл Бабаюрт районну Хамаматюртунда тувгъан. 1963-нчю йыл юртдагъы орта школагъа охума бара. Билимге бек гьасирет ва муштарлы яш охувда етишген уьстюнлюклери учун школаны ёлбашчыларыны янындан баракалла кагъызлар ала.

 

А.Черивмурзаев 1975-нчи йыл Магьачкъаладагъы къурулуш техни-кумгъа охума тюше. 1975-1977-нчи йылларда ватандаш борчун кютмеге асгерге чакъырыла. Ондан къайтгъан сонг, Бабаюртдагъы 15 номерли ПМК-да ишлеме башлай. 1980-нчи йыл коллективни сиптечилиги булан Белоруссиядагъы милицияны оьр школасына охума йибериле.

1984-нчю йыл ону тамамлап, Бабаюрт районну ич ишлер бёлюгюнде загьмат ёлун давам эте. Башлап ол ОБХСС-ни начальниги, сонг старший следователь, РОВД-ни штабыны, милицияны начальниги болуп ишлей, сонг «Т» ЮФО-ну агьамиятлы ишлеге къарайгъан центрыны оперуполномо-ченныйы болуп загьмат тёге. Дагъыстан Республиканы ич ишлер минис-терлигини  бёлюклеринде де ишлей. 2012-нчи йылны май айындан тутуп, район администрацияны башыны орунбасары, бугюнлерде муниципал районда террорчулукъгъа къаршы турагъан комиссияны ёлбашчысы болуп чалыша.

Абдулла Черивмурзаевни элини алдында этген гьалал къуллукълары тергевсюз къалмагъан. «Жамият низамны сакълавда оьзюн гёрсетгени учун, «Ишинде уьстюнлюк гёрсетгени учун», деген медалны уьч де даражасын алгъан, «Россияны МВД-сини 200 йыллыгъы»,  «Къоччакълыгъы учун», «Терроризмге къаршы ябушувну ортакъчысы», «Темиркъазыкъ Кавказда къуллукъ этегени саялы», «Дагъыстан МВД-ни 100 йыллыгъы» деген медаллар булан савгъатлангъан. 2007-нчи йыл буса Россияны ич ишлерини баш Управлениесини Къыбла Федерал округуну Гьюрметлев такътасына  аты язылгъан.

Жамият ишлерде актив ортакъчылыкъ этгени саялы Абдулла район администрацияны ва Муфтиятны атындан да баракалла къазангъан.

2011-нчи йылны май айындан тутуп, йыллары етишип, запасгъа гетген. Тек ишлеп уьйренген подполковник ягъада турагъанлардан тюгюл. Ол не ерде ишлесе де, ёлдашларыны абурун къазангъан.

 

Бадюр ГЬАЖИМУРАТОВ,

загьматны ветераны.

Бабаюрт район, Хамаматюрт.

 

СУРАТДА: Абдулла Черивмурзаев

Авторизация
*
*
Регистрация
*
*
*
Согласны с условиями сайта?
Генерация пароля