ГТО-ну гесимлерин кютдюлер

 

 

Бабаюрт районну охув ожакъларыны 60-дан да артыкъ муаллими гюзлюк каникулланы вакътисинде «Атлант» деген спорткомплексде оьзлени загьматгъа ва къоркъунчлу гьаллардан къоруп сакълавгъа гьазирлигин гёрсетдилер.

 

Оьзлеге берилген тапшурувланы кютювде жагьиллерден бай иш сынав топлагъанлары да артда къалмады. Олар чагъына гёре, чабывда, олай да оьзге тюрлю спортну жураларында уьстюнлюклерин гёрсетдилер. ГТО-ну гесимлерин кютюв учун алдына салынгъан талапланы олар уллу иштагьлыкъ булан къаршыладылар.

Бабаюрт районну администрациясында яшёрюмлени маданиятгъа ва спортгъа къарайгъан бёлюгюню ёлбашчысы Арслан Далгьатов айтгъан кюйде, ортакъчыланы яртысындан да кёбю талапланы кютдюлер.

«Физкультурниклени гьасиллери янгыз бизин район тюгюл, савлай республикабыз учун да къыйматлы натижа», – деп къошду ол.

Ери гелгенде, гьар ортакъчы гючлю спорт гьаваслыгъын, бир-биревню ругьландырывун, артда къалмай, оьзлени борчун уьстюнлю кютме къаст этгенин эсгермеге сюебиз.

Савлукъ – байлыкъ деп негьакъ айтылмай. Районда гьар йыл ГТО-ну гесимлерин кютюв ярышлагъа яшёрюмлерибизден къайры да, орта чагъындагъылар да къошулагъаны районлуланы савлукъну гьайын этивге бакъгъан янашыву яхшы бола­гъанны гёрсете ва шондан сююнмей болмайсан.

 

Герейхан ГЬАЖИЕВ,

 

 

Авторизация
*
*
Регистрация
*
*
*
Согласны с условиями сайта?
Генерация пароля