Дагъыстанда артдагъы вакътилерде гьакъылбалыкъ болмагъан яшланы арасында жинаятчылыкъ арта барагъаныны гьакъында мен газетни алдагъы номеринде язып, бир нече мисаллар да гелтирген эдим. Тек къарагъанда шо битеген тема тюгюл.
Ноябр айны 28-нде Интернетде ерлешдирген видеороликде Хасавюрт-дагъы школаланы бирисинде, гьажатхананы ичиндеоьрюм яш оьзюнден гиччи уланъяшгъа аягъы, тобугъу булан тебе, аягъына ура. «Тангала акъчаны гелтирмесенг, мен сени дагъыдан да бек токъалажакъман», – деп къоркъув бере.
Озокъда, роликни къувуну шагьар администрациягъа етишмей къалмагъан. Администрацияны прес-къуллугъу билдиреген кюйде, шагьарны башчысы К.Корголиевни тапшуруву булан шо школада тергевлер оьтгерилежек, айыплылар жавапгъа тартылажакъ. Лап артдагъы маълу-матлагъа гёре, тергевлеге Россияны Ахтарыв комитетини Дагъыстан управлениеси де къуршалгъан.
Алав АЛИЕВ
