Европаны чемпионун къаршылады

 

Газетни алдагъы номеринде Албанияны тахшагьары Тиранада тутушуп ябушувдан оьрюм яшланы арасында оьтгерилген Европа­ны чемпионаты гьакъда язгъан эдик. Шонда Къаягент районну Пер­вомайское юртундан чыкъгъан ва шо ярышланы чемпиону болгъан Магьаммат Магьамматовну гьакъында да толу маълуматлар бердик.

 

Алдындагъы гюн Магьачкъа­ладагъы аэропортда жагьил чем­пионну къаршылама кёп адам жыйылгъан эди. 48 кило авурлукъда ябушгъан ва чемпион болгъан М.Магьамматовну ва ону тренери Расул Магьамматовну башлап районну башчысы Магьаммат Элдерханов къутлады.

– Биз сени уьстюнлюклерингден сююнебиз ва оьктем болабыз,– дей М.Элдерханов. – Етишген уьстюнлюклеринг булан дазуланып къалма, дагъы да оьр­люклеге етишме къара. Савлукъ ва дагъы да артыкъ уьстюнлюклер ёрайман.

Магьаммат – Къаягент район­ну Первомайское юртундагъы спорт школагъа юрюй. Ол шулай ярышланы алда да утгъан эди. Оьзюне 17 йыл да болмагъан яш спортчу гьали Европаны 2 керен чемпиону болду. Къутлайбыз ва гележекде дагъы да уллу уьстюнлюклер къаравуллайбыз.

Авторизация
*
*
Регистрация
*
*
*
Согласны с условиями сайта?
Генерация пароля