«Эсделик бав» салынды

 

 

Бабаюрт райондагъы  1 номерли Львовский юртда янгы охув йылда ачылгъан школаны алдында «Эсделик бав» салынды. Шону булан олар Дагъыстанны Башчысы Сергей Меликовну тапшурувуна гёре оьтгерилеген «Эсделик бав» деген уллу оьлчевдеги чарагъа къошулдулар.

 

Бавну ачылывунда юртну башчысы Арслан Шемшединов, Украина бойда юрюлеген хас асгер гьаракатда ортакъчылыкъ этип турагъан яшланы аналары, ортакъчылыкъ этдилер.

Жыйылгъанланы алдында Арслан Шемшединов чыгъып сёйледи. Ол «Эсделик бав» салынгъанлыкъ – Уллу Ватан давда бизин уьлкени якълагъан ва гьали хас асгер гьаракатда ортакъчылыкъ этип турагъан солдатланы къоччакълыгъына багъышлангъанны эсгерди.

– «Эсделик бав» бугюнлерде бизин сыдраларда ёкъ, тек бизин юреклерибизде оьктемликни гьислерин къоюп гетгенлеге белги болуп токътай. Гиччинев Къазиюртдан Уллу Ватан давну заманында 120 улан элибизни якъламагъа гетген. Оланы хыйлылары дагъы къайтып гелмеген, бизин парахат яшавубуз учун къоччакъ кюйде жанын къурбан этгенлер. Бугюн де бизин игит уланларыбыз, уллаталарындан уьлгю алып, миллетчилеге къаршы турма гетгенлер, – деди Арслан Шемшединов.

Рустам Алиев хас асгер гьаракат юрюлеген ердеги уланланы атындан шу агьвалатны оьтгергенлеге гьакъ юрекден баракалласын билдирди ва шулай чаралар къоччакъланы тез арада уьс­тюнлюк алып къайтмагъа ругьун гётерегенни айтды.

Шолай «Эсделик бав» районну бир – нече юртунда ачылажакъны ва ондан къайры да Бабаюртда хас асгер гьаракатда жанын   къурбан этген районлулагъа эсделик салынажагъын да эсгермеге сюемен.

 

Герейхан ГЬАЖИЕВ,

 

 

Авторизация
*
*
Регистрация
*
*
*
Согласны с условиями сайта?
Генерация пароля