Алдагъы гюнлерде Къаягент юртдагъы «Юлдуз» деген яшлар бавунда Ватанны якълавчуларыны гюнюне багъышлангъан гьаракат оьтгерилген.

Эсгерилген яшлар бавуна юрюйген гиччипавлар къуршалгъан «Ватаныны эревюллю эрлери» деген шо гьаракатны барышында олар англамагъа болар йимик бизин уьлкени армиясы гьакъда лакъыр юрюлген. Шону булан бирге, оьтгерилген оюнланы вакътисинде гиччипавлар гьар тюрлю сынавлардан оьтген. Тувуп оьсген элине багъышлангъан шиъру сатырланы гёнгюнден де охугъан. Къаягент районну хас сайтында шо гьакъда билдириле.