Дагъыстан Республиканы Халкъ Жыйыныны савлукъ, загьмат, яшавлукъ политика булан байлавлу масъалалагъа къарайгъан комитетини председатели Ильяс Мамаев Буйнакскиге гелип ватандашланы къабул этди.

Шонда алданокъ язылып гелген ёлдашлар оьзлени къыйынларын айтып сёйледилер. Оланы арасында алдынъерли газетни редакциясында ишлеген, гьали Украина къалмагъалында яраланып къайтгъан Изамутдин Гьажиев де бар эди. Ефрейтор Гьажиевни эки де аягъына 8 керен операция этилген. Энни дагъы да бир операция этмеге тарыкъ. Шону учун ол депутат Ильяс Мамаевге Бурденкону атындагъы асгер госпитальгъа барма оьзюне кёмек тиледи. Ол да Дагъыстанны савлукъ министерлигине телефон сёйлеп, бу масъаланы чечеген кюйню ёлларын тапсын деп, министрни заместители Жавгьарат Исаева булан ёлукъдурмагъа чара гёрдю.

Шо гюн депутат булан ёлугъуп, генгешгенлеге тийишли кёмеклер этмек учун ишлер гёрюлдю ва пайдалы насигьат-англатывлар да берилди.