Дав гьаракатны ветераны

 

 

Украина булангъы дазу бойда юрюлеген хас  гьаракатдан гелген бирдагъы бир хабар бизин уланланы уьстюнлюклерин исбат этди. Бу гезик борчун. Дав гьаракатны ветераны кютювде антына амин болуп асгер ёлдашларын оьлюмден къутгъаргъан львовскийли медик-стрелок Алимпаша Закарьяев Бабаюрт райондан асгер гьаракатгъа гетгенлени арасындан биринчилерден болуп Россияны Президенти Владимир Путинни Указына гёре гезикли медаль булан савгъатлангъан.

 

А. Закарьяев Нижний Новгороддагъы медицина коллежни тамамлагъан сонг асгерге чакъырылгъан. 2018-нчи йыл асгер борчун кютюп, артындагъы йыл Россия Федерацияны Оборона Министерлиги булан дыгъар байлай. Хас гьаракат башлангъанлы, алдынлы асгер бёлюклерде, яралангъанланы   оьлюмден къутгъарып, оьзюн аямай борчун кюте.

Командованиени тапшурувларын кютювде Алимпаша яраланып госпитальда ятып къолай болгъан сонг, ёлдашларыны сыдраларына къайта.

Хас гьаракатда гёрсетген къоччакълыгъы учун, А. Закарьяев «Къоччакъ-лыгъы учун» деген медаль булан да савгъатлангъан. Ондан къайры да, ону «Дав гьаракатны ветераны» деген медалы бар.

Алимпаша Закарьяев бугюнлерде де асгер бёлюклерде. Игит оьзю де айтгъандай, нечакъы авур, къыйын болса да, дав ёлдашлары оьзюнден кёмек излейгенни ол яхшы англай.

 

Герейхан ГЬАЖИЕВ,

оьз мухбирибиз.

СУРАТДА: А. Закарьяев.

 

Авторизация
*
*
Регистрация
*
*
*
Согласны с условиями сайта?
Генерация пароля