Анапа шагьарда футболдан Бютюнроссия турнир оьтгерилген. Дагъыстандан баргъан яш ва оьрюмяшланы футбол командасы шонда биринчи ерни алгъан.

 

Турнирде 2010-2016-нчы йылларда тувгъан яшланы командалары ортакъчылыкъ этген. 30 команданы арасында бу турнирде дагъыстанлы футболистлер лап яхшы натижаланы гёрсетген. Алты оюн ойнап, олар утгъан ва уьстюнлюк къазангъан.

Август айда бизин яш футболистлерибиз Санкт-Петербургда оьтгерилежек турнирде ортакъчылыкъ этежек.