Дагъыстанны чемпиону

 

 

Башлыгентли (Къаягент район) яш спортчу Элдерхан Амирарслановну гьакъында биз арт вакътилерде «Ёлдашны» бетлеринде кёп язабыз. Шогъар ол лайыкълы да дюр. Ол Башлыгент юртдагъы орта школаны 10-нчу класында охуй. Оьзюню 16 йыллыкъ чагъына Элдерхан спортну ушу саньда журасында Россияны чемпиону деген атгъа эки керен ес болмагъа бажаргъан.

 

Тутушуп ябушувда да ол 2023-нчю йылда оьр натижалагъа етишмеге бажарды. Оьзюню тенглилерини арасында Дагъыстанда 3-нчю, Темир-къазыкъ Федерал округда – 5-нчи, Россияда буса 8-нчи болду. Ярышларда биринчи гезик ортакъчылыкъ этген спортчу учун бу яхшы натижа. Бугюн Элдерхан 2024-нчю йылны ярышларына гьазирленмеге башлангъан.

Октябрни 30-31-нчи гюнлеринде Буйнакск шагьарда ушу саньдадан Дагъыстан Республиканы чемпионаты оьтгерилди. Шонда 70 кило авурлукъда бизин яш кочабыбыз да ортакъчылыкъ этди. Буйнакскиде Элдерхан халчагъа 3 гезик чыкъды. Уьч де тогъатартышыв Э. Амирарслановну пайдасына битди. Башлап ол ерли спортчуну таза утду, финалда Къарабудагъгент юртдан гелген спортчу булан ёлукъду. Тогъатартыв бу гезик де Элдерханны пайдасына тамамланды. Натижада, башлыгентли яш спортчу Дагъыстанны чемпиону деген атгъа 4-нчю гезик ес болмагъа бажарды.

 

Магьамматрасул ИБРАГЬИМОВ.

 

Авторизация
*
*
Регистрация
*
*
*
Согласны с условиями сайта?
Генерация пароля