Дагъыстанны Башчысыны ёлугъуву

Арбагюн, март айны 29-нда, Дагъыстанны Башчысы Сергей Меликов Украина бойда юрюлеген хас гьаракатны вакътисинде яра тийип, асгер къуллукъ этип уьйлерине къайтгъанлар булан ёлукъгъан.

Оьтгерилген шо ёлу­гъувда ортакъчылыкъ этгенлени гьариси – асгер къуллукъда игитлигин ва къоччакълыгъын гёрсетмеге бажаргъан уланлар. Шолай, капитан Расим Агъасиев оьзюню ёлдашын от-оьртенни ичинден алып чыгъып гелегенде авур кюйде яралангъан, лейтенант Ибрагьим Салаватовну атасы да асгерде къуллукъ этип гелген. Ону асгер б­орчларын кютеген вакътиде 2000-нчи йылда Ботлихде жаны къыйылгъан.
Бизин республиканы Башчысы чакъырылып гелгенлени гьарисини янына барып, савлугъуну гьалын билген. Оланы савлугъун беклешдиривде, иш ва яшавлукъ уьйлер булан таъмин этивде некъадар кёмек тарыкълы экени гьакъда сорагъан. Шо масъалалагъа байлавлу да жаваплы къуллукъчулагъа еринде тапшурувлар берген.

– Биз кёмек этмеге гьазирбиз. Бугюн сиз ва Украина бойда юрюлеген хас асгер гьаракатгъа къуршалгъан уланлар булан савлай Дагъыс­тан оьктем бола. Бизин якълы асгер къуллукъчулар гьеч ким сёз тапмагъа болмайгъан кюйде оьзлеге тапшурулгъан борчланы кютюп геле. Оланы арасындан алтавуна Россияны Игити деген оьр ат берилген, кёплер орденлер ва медаллар булан савгъатлангъан. Бизин асгер къуллукъчулар булан оьктем болабыз, – деген республиканы Башчысы.

Сергей Меликов чакъырылып гелгенлеге эсделикге сагьатлар тапшургъан. Шондан къайры да, «Биз – бирчебиз» деген фонддан оланы гьарисине 200 минг манат гёрсетилежеги гьакъда билдирилген.

Шо гьакъда айта туруп, бизин республикада Украина бойда хас асгер гьаракатны ортакъчыларыны савлугъун беклешдирмек учун янгы медицина центры къурулажагъы гьакъда билдирилгенин эсгермеге тюше.

Авторизация
*
*
Регистрация
*
*
*
Согласны с условиями сайта?
Генерация пароля