Бугюн, 28-нчи апрельде, Магьачкъала шагьарда Р.Гьамзатовну атындагъы китапханада Захар Прилепинни Штабыны ачылывуна багъышлангъан чара оьтгерилди. Эсгерилген чарада РФ-ни Федерация Советини аманлыкъ болдурув ва оборона комитетини члени Сергей Безденежных, З.Прилепинни Дагъыстандагъы Штабыны ёлбашчысы Шамил Омаров, Темиркъазыкъ Осетиядагъы Штабны ёлбашчысы Чермен Мурашев, республиканы гьар тюрлю политика ва жамият къурумларыны вакиллери, кёп санавдагъы студентлер, яшёрюмлени жамият къурумлары ортакъчылыкъ этди.

Жыйынны башында Сергей Безденежныхгъа сёз берилди. Ол Захар Прилепинни Штабы Москва, Саратов, Саратове, Краснодар, Омск, Екатеринбург, Владикавказ, Нижний Новгород, Калуга, Хабаровск, Смоленск, Красноярск шагьарларда, шолай да ЛНР ва ДНР, Херсон, Запорож ва Харьков областларда иш гёрегенин эсгерди. Ол Штабны гёз алгъа тутгъан ишлени гьакъында маълумат берди. З.Прилепинни Штабы Украинада хас дав операциягъа гуманитар кёмек эте. Шо гьакъда айта туруп С. Безденежных Дагъыстан Республикада башгъа регионлар булан тенглешдиргенде СВО-ну ортакъчыларына ва агьлюлерине айрыча тергев ва кёмек этме онгайлыкълар яратылгъанны эсгерди.

Дагъыстандагъы Штабны ёлбашчысы Ш. Омаров да эсгерген кюйде, СВО учун Штабны Дагъыстандагъы филиалы гьаракат этип чалышажакъ. Штаб Магьачкъалада шагьар майданда Профсоюзланы Уьюнде 3-нчю къатда ерлешген. Штаб башлагъан «Танк Победы» деген акцияны айланасында жыйылагъан акъча маялар бугюнлерде СВО-гъа тарыкълы маллар учун харжлана.

Штабны ишинде ортакъчылыкъ этмеге ва кёмек къолун узатмагъа сюегенлер шу сайтда: https://sbornatank.ru/. толу маълуматланы алмагъа бола.