Гьюрметли къонакъланы арасында Россияны тай бокс федерациясыны президенти Дмитрий Путилин, спортну шо журасындан Дагъыстанны федерациясыны президенти Абакар Абуков, Олимпия оюнланы чемпиону Гьайдарбек Гьайдарбеков, ушу-саньда ябушувдан дюньяны уьч керен чемпиону Жанхуват Белетов, кикбоксингден дюньяны эки керен чемпиону Атай Жамболатов, халкъара даражалы судья Константин Жданов, тай боксда дюньяны чемпиону Абдулнасир Межитов ортакъчылыкъ этди. Ярышлар бу гезик нечакъы да къурумлу ва къужурлу оьтдю.
Ярышларда Дагъыстанны сегиз тайбоксёру Россияны кубогун къазанды. Чемпион атгъа Къарабудагъгент районну Гьели юртундан Элдар Шавлухов 51 кило авурлукъда ес болду. Ону ярышлагъа оьзю де Гьели юртдан чыкъгъан Россияны ат къазангъан тренери Къасум Гьажиев гьазирлеген.
– Элдар Россияны кубогун къазангъангъа, озокъда, бек сююндюм. Финалда утма огъар тынч болмады. Тек бу гезик Элдар утма бек къаст этди. Бу ярышлагъа биз кёп алдан гьазирлик гёрген эдик, къыйыныбыз зая гетмеди, – деди тренер Къасум Гьажиев.
Магьачкъалалы Гьажимурат Амиржанов 75 килода чемпион болду. Финалгъа етишгенче, Гьажимурат шайлы тер тёкдю. Ахырынчы ёлугъувда буса яхшы техника ва къастлыгъын гёрсетип ябушуп утма болду.
Экинчи ерлени 48 килода Кёстек юртдан Абдулкерим Салаватов, 63 килода Москва команда учун ябушгъан, оьзю Бабаюрт районну Герменчик юртундан Расул Къачакъаев, 71 килода «Ботаюртовская» деген спорт школадан Ислам Муртазаев, 91 килода магьачкъалалы Абубакар Амиржанов къазандылар.
– Россияны кубогуну ярышлары Дагъыстанда биринчилей оьтгерилди. Ярышларда 24 региондан 242 тайбоксёр ортакъчылыкъ этди. Гелген ортакъчылар ва судьялар ярышлар оьтгерилген кюйню бек ушатдылар. Бизин федерация ва Дагъыстанны спорт министерлиги ярышланы къурумлу ва оьр даражада оьтгермек учун кёп иш этди. Кёстекли дюньяны ва Европаны чемпиону, Россияны айтылгъан тайбоксёру 48 килода Абдулкерим Салаватов финалда уьст гелер деп умут этген эдик. Тек ол утдуруп, экинчи ерни алды, – деди Абакар Абуков.
– Мен кёп керен дюньяны ва Европаны чемпионатларына баргъанман ва ярышлар нечик оьтгерилегенни гёргенмен. Тек булай арив, къурумлу оьтгерилген ярышланы биринчи керен гёремен. Кёп савболсун Абакар Абуков, Абдулнасир Межитов ва спорт министерликни къуллукъчулары, – деди Россияны тай бокс федерациясыны вакили Сергей Куимов.
– Россияны кубогун утгъанлар май айда Малайзияны тахшагьары Куала-Лумпурда оьтгерилежек дюньяны чемпионатында ортакъчылыкъ этежеклер, – деди Россияны жыйым командасыны баш тренери Сергей Ильин.
Измулла Гьажиев.
Суратда: ярышдан гёрюнюш.
Автор чыгъаргъан сурат.
Ярышларда Дагъыстанны сегиз тайбоксёру Россияны кубогун къазанды. Чемпион атгъа Къарабудагъгент районну Гьели юртундан Элдар Шавлухов 51 кило авурлукъда ес болду. Ону ярышлагъа оьзю де Гьели юртдан чыкъгъан Россияны ат къазангъан тренери Къасум Гьажиев гьазирлеген.
– Элдар Россияны кубогун къазангъангъа, озокъда, бек сююндюм. Финалда утма огъар тынч болмады. Тек бу гезик Элдар утма бек къаст этди. Бу ярышлагъа биз кёп алдан гьазирлик гёрген эдик, къыйыныбыз зая гетмеди, – деди тренер Къасум Гьажиев.
Магьачкъалалы Гьажимурат Амиржанов 75 килода чемпион болду. Финалгъа етишгенче, Гьажимурат шайлы тер тёкдю. Ахырынчы ёлугъувда буса яхшы техника ва къастлыгъын гёрсетип ябушуп утма болду.
Экинчи ерлени 48 килода Кёстек юртдан Абдулкерим Салаватов, 63 килода Москва команда учун ябушгъан, оьзю Бабаюрт районну Герменчик юртундан Расул Къачакъаев, 71 килода «Ботаюртовская» деген спорт школадан Ислам Муртазаев, 91 килода магьачкъалалы Абубакар Амиржанов къазандылар.
– Россияны кубогуну ярышлары Дагъыстанда биринчилей оьтгерилди. Ярышларда 24 региондан 242 тайбоксёр ортакъчылыкъ этди. Гелген ортакъчылар ва судьялар ярышлар оьтгерилген кюйню бек ушатдылар. Бизин федерация ва Дагъыстанны спорт министерлиги ярышланы къурумлу ва оьр даражада оьтгермек учун кёп иш этди. Кёстекли дюньяны ва Европаны чемпиону, Россияны айтылгъан тайбоксёру 48 килода Абдулкерим Салаватов финалда уьст гелер деп умут этген эдик. Тек ол утдуруп, экинчи ерни алды, – деди Абакар Абуков.
– Мен кёп керен дюньяны ва Европаны чемпионатларына баргъанман ва ярышлар нечик оьтгерилегенни гёргенмен. Тек булай арив, къурумлу оьтгерилген ярышланы биринчи керен гёремен. Кёп савболсун Абакар Абуков, Абдулнасир Межитов ва спорт министерликни къуллукъчулары, – деди Россияны тай бокс федерациясыны вакили Сергей Куимов.
– Россияны кубогун утгъанлар май айда Малайзияны тахшагьары Куала-Лумпурда оьтгерилежек дюньяны чемпионатында ортакъчылыкъ этежеклер, – деди Россияны жыйым командасыны баш тренери Сергей Ильин.
Измулла Гьажиев.
Суратда: ярышдан гёрюнюш.
Автор чыгъаргъан сурат.
