Дагъы да саякъ итлени гьакъында

 

Россияны Ахтарыв комитетини Дагъыстан ахтарыв управлениеси Буйнакскиде саякъ итлер гиччи яшгъа чапгъанына байлавлу тергевлени башлагъан.

Интернетни къоллавчулары ерлешдирген маълуматлагъа гёре, Чкаловну ва Орджоникидзени атындагъы орамларда итлер гюп болуп яшланы хапмагъа къарагъан. Ерли администрацияны янындан гьалиге сесленив ёкъ.
Саякъ итлер гьакъылбалыкъ болмагъан яшланы яшавуна ва савлугъуна шайлы къоркъунчлукъ гелтирегенине биз алда Магьачкъаладагъы агьва-латларда да тюшюндюк. 2017-нчи йылны февраль айында тахшагьарны Редуктор посёлогунда итлер 9 йыллыкъ къызъяшны парала­гъан эди. Къазап­лангъан жамаат гьавчу тюбеклерине харманып, итлени оьлтюрме башлады. Атышывлар гьатта гечелер де токътамай эди. Сонг эртен уьюнгню къырыйында къангъа боялгъан оьлген итни сюегин таба эдинг.
Тек шагьарларыбыздагъы саякъ итлени санаву артса тюгюл, аз болмай. Ерли гьакимиятлар шо масъаланы чечивге байлавлу мекенли англатывлар бермей.
Бу йыл да Магьачкъалада саякъ итлер яшгъа чапгъан эди. Насипге ол денгиз ягъада эди ва ачувлу итлерден сувну ичине гирип сакълангъан.

Алав АЛИЕВ

Авторизация
*
*
Регистрация
*
*
*
Согласны с условиями сайта?
Генерация пароля