Маданият министерлиги билдирген кюйде, Буйнакск районну Атланавул юртундагъы инчесаният школасы ярашдырылып, янгы охув йылны башланывуна пайдаландырывгъа берилежек. Шо ишлер «Культура» деген милли проектни оьлчевюнде юрюле.
Бу охув ожакъда 168 яш гьар тюрлю саниятлагъа ес бола. Шоланы кёплери школаны музыка бёлюгюнде билимлер ала. Фортопианону, баянны, агъачкъомузну сокъма муштарлы. Охувчулардан алтмыш яш бийивлени инче сырларына тюшюне. 74 яш буса сурат этме уьйрене, чебер бёлюкде охуй.
Школаны бинасыны къалкъысы, поллары ярашдырылып тура. Бинаны ичинде де ярашдырыв ишлер юрюле. Къурувчулар айтагъан кюйде, мундагъы бары да ярашдырыв ишлер 1-нчи августгъа битежек. Шолайлыкъда, янгы охув йыл башланагъангъа охувчулар янгыртылгъан бинада охума болажакъ.
Маданият министерликни прес-къуллугъу билдиреген кюйде «Культура» деген милли проектни оьлчевюнде ярашдырылагъан бу алтынчы школа болуп токътай.
