Уьч гюн узатылгъан шо конкурсда Борагъан орта школаны «Яшлыкъны дериясы» деген 150 охувчу къуршалгъан хор коллективни къамавгъа къуршалгъан ленинградлылагъа багъышлангъан «Давну яшлары» деген йырны уьч тавушгъа салып, йырлап онгаргъан чыгъышы жыйылгъанланы, жюрини членлеринден башлап, муаллимлеге ва охувчулагъа ерли барысына да таъсир этген. Йыр инамлы кюйде 1-нчи ерге ес болгъандан къайры, ону Темиркъазыкъ Кавказны регионларыны школа охувчуларыны коллективлерини арасында оьтгерилежек дав темагъа багъышлангъан йырны конкурсунда ортакъчылыкъ этме йибермеге айыргъан. Охувчуларыбызны бу гёрмекли уьстюнлюгюнде школаны педагогика коллективини охувчуланы тарбиялав ишге къастлы ва намуслу янашыву кёп арив гёрюне. Юрт жамият бу гьаракатгъа уллу иш рази. Арты берекетли болсун!
Март айда Борагъан орта школаны муаллим коллективини 35 адамдан къурулгъан хору да Гюйдюрмес районну школаларыны педагогика коллективлерини арасында оьтгерилген конкурсунда ортакъчылыкъ этип, инамлы кюйде биринчи ерге ес болгъанлар. Конкурсда Борагъан муаллимлени хору «Конь» деген рус халкъ йырын огъар къыйышывлу гийими, оьзтёрече сагьнагъа чыгъыву, уьч тавушгъа салып, гелишли, кёп таъсирли йырлагъанын ушатгъан жюрини ёлбашчысы, районну администрациясыны билим берив бёлюгюню заведующийи М.Куразова: «Борагъанлылар гьаман да оьзлени оьзтёрече ругь янгылыкълары булан къаравчуланы гьайран эте. Кёп савболугъуз!» – деп, гьакъ юрекден разилигин билдирген.
Борагъан жамиятда школаны уьстюнлюклерине уьйренчик буса да, тергевсюз тюгюл. Оланы гьакъ юрекден уьстюнлюгю булан къутлай, берекетли оьрлюклер ёрай!
Абас Мамаев.
Мычыгъыш Республика, Борагъан.
Март айда Борагъан орта школаны муаллим коллективини 35 адамдан къурулгъан хору да Гюйдюрмес районну школаларыны педагогика коллективлерини арасында оьтгерилген конкурсунда ортакъчылыкъ этип, инамлы кюйде биринчи ерге ес болгъанлар. Конкурсда Борагъан муаллимлени хору «Конь» деген рус халкъ йырын огъар къыйышывлу гийими, оьзтёрече сагьнагъа чыгъыву, уьч тавушгъа салып, гелишли, кёп таъсирли йырлагъанын ушатгъан жюрини ёлбашчысы, районну администрациясыны билим берив бёлюгюню заведующийи М.Куразова: «Борагъанлылар гьаман да оьзлени оьзтёрече ругь янгылыкълары булан къаравчуланы гьайран эте. Кёп савболугъуз!» – деп, гьакъ юрекден разилигин билдирген.
Борагъан жамиятда школаны уьстюнлюклерине уьйренчик буса да, тергевсюз тюгюл. Оланы гьакъ юрекден уьстюнлюгю булан къутлай, берекетли оьрлюклер ёрай!
Абас Мамаев.
Мычыгъыш Республика, Борагъан.
