Къазан шагьарда автодорожный техникумну битдирген сонг, 1939-нчу йылда Къызыл Армияны сыдыраларында къуллукъ этме чакъырыла. 1941-нчи йылны август айында ол Харьковдагъы танковое училищени тамамлап, офицер бола.
1944-нчю йылда Иса Солтанов биринчи Украина фронтну 17-нчи гвардия машинлешдирилген бригадасыны, 126-нчы танк полкуну взводуну командири гьисапда дав агьвалатлагъа къуршала. 1944-нчю йылны январ айындагъы совет асгерлени чапгъыныны вакътисинде немис фашистлени уьч танкын, эки бронетранс­портёрун яллата.
Старший лейтенант Иса Солтанов ротаны командири болуп, 1945-нчи йыл 24-нчю январда совет асгерлени Одер оьзенден чыгъывун таъмин этген, якълагъан. 25-нчи январда Хобень шагьарны боюнда ону асгер бёлюгю де оьзенден чыкъгъан.
1945-нчи йылны февраль айында болгъан ябушувларда Иса Кълычевич Солтанов жан берген. Ол Польшаны Хобень шагьарында гёмюлген.


Бизин мухбирибиз.