Барыбызгъа да белгили болгъан йимик, украинли илбислер булангъы хас асгер гьаракатда ортакъчылыкъ этеген бизин уланларыбыз оьзлени къоччакълыгъын ва игитлигин гёрсетелер. Оланы гьариси уьстюнлюкню ювукълашдырмакъ муратда макътавгъа лайыкълы кюйде къошумун болдура.
Шолай, алдагъы гюнлерде Бабаюрт районлу Альберт Мусалавов, Россия Федерацияны Президенти Владимир Путинни Указына гёре, хас асгер гьаракатда гёрсетген къоччакълыгъына гёре «Ёлдашларын къутгъаргъаны учун» деген медаль булан савгъатлангъан.
Альберт Мусалавов – тамазатёбели. Асгерге ол 2022-нчи йылны сентябр айында чакъырылгъан. Хас асгер гьаракатында гючлю урушланы вакъ-тисинде Альберт оьзюню дав ёлдашларын оьлюмден къутгъармагъа бажаргъан. Огъар савгъат Херсон областында дав тапшурувларын кютеген вакътиде тапшурулгъан.
Альбертге уьйде къалгъан аявлу ата-анасы, агьлюсю, авлетлери, олай да къурдашлары оьзюн къаравуллап турагъаны ругь бере .
Юртлулары ва сайлай районну халкъы ону булан оьктем бола.
Биз де Альберт Мусалавовну гьакъ юрекден пачалыкъ савгъаты булан къутлайбыз, олай да ону ата-анасы Адилсолтангъа ва Идияхангъа герти патриот, къоччакъ уланны оьсдюрген учун баракалла билдиребиз.
Бэлла ГЬАЖИГЕЛДИЕВА,
Россияны журналистлерини союзуну члени.
