Бир жыйынны − уьч масъаласы

Дагъыстанны Башчысы Сергей Меликов оьтгерген гезикли жы­йында уьч агьамиятлы масъалагъа къаралды. Бу йылгъы бюджетни пайдаландырывну ва янгы йылгъа топлавну гьакъында айта туруп, халкъны яшав гьалларын яхшылашдырагъан ва енгиллешдиреген чараланы гёз алгъа гелтирме тюшегенни айтды.


 

Сёз ёругъуна гёре айтсакъ, 2023-нчю йылгъа респуб­лика бюджет 163 миллиард манатгъа токъташдырылгъан. Шондан 121 миллиарды федерал бюджетден геле. Къалгъаны ерли налоглардан топланма герек.

Сергей Алимович ерли гьакимиятланы башчыларыны тергевюн шулай масъалалагъа бакъдырды:

–Бюджет бары да харжланагъан ва адамланы талапларын кютеген кюйде топланма герек,– деди ол.

Шону учун милли программаланы заманында кютмек учун дыгъарлар этме герек. Бу йыл бузукъ гьалларда яшайгъан адамланы янгы ерлеге чыгъармакъ учун 328 дыгъар этилинген.

Ата-анасыз къалгъан етим яшланы гьакъында айта туруп, регионну башчысы 1-нчи сентябр болгъанча шолайланы списогу гьазир болма герекни де эсгерди. Шолайлагъа гезиги булан квартирлер берилежек. Шо списоклар тындырыкълы тергележекни де билдирди.

Уьчюнчю масъалагъа гёре, С.Меликов далапчылыкъ юрютме сюегенлеге пачалыкъны янындан этилеген кёмеклени дагъы да такрарлады. Мисал этип ол яшавлукъ контрактланы гьакъында айтды. 2022-нчи йылда Дагъыстанда 6900 яшавлукъ дыгъар байлангъан ва шогъар 27600 адам къуршалгъан.

Бу йылны башындан берли буса 4300 дыгъар этилген, шолардан кёбюсю оьзбашына ишлемек учун ерлер ачыв булан машгъул болгъан. Аслу гьалда яшавлукъ дыгъар гьайванчылыкъ тармакъгъа, шондан алынгъан малдан этилеген акъкъатыкъны къутукълашдырывгъа, шолай да экмек ва татлиликлер этеген ерлер ачывгъа, ательелер, компьютер къуллукълар битдиреген ва савгъатлар гьазирлейген гиччирек цехлер ачывгъа харжлангъан.

 

.

 

Авторизация
*
*
Регистрация
*
*
*
Согласны с условиями сайта?
Генерация пароля