Атлары даимлешдирилди

 

 

Арбагюн, ноябр айны 22-синде, Къарабудагъгент юртда У. Бунакскийни атындагъы паркда «Эсделик бав» салынды.

Украина бойда юрюлеген хас асгер гьаракатны вакътисинде жанлары къыйылгъан  уланланы атларын даимлешдирмек муратда юрюлген шо гьаракатда Къарабудагъгент районну гьакимбашы Магьмут Амиралиев, ерли гьакимлик къурумларыны жаваплы къуллукъчулары ортакъчылыкъ этдилер.

 

Халкъны яшавлукъ къуллукъларын кютеген хас район центрны касбучулары, охув ожакъларда билим алагъан яшлар, маданият, оьзге идараларда чалышагъанлар ва кёп оьзгелери де айрыча жагьлыгъын гёрсетди. Шо гюнгю чараларда Украина  бойда юрюлеген хас  асгер  гьаракатгъа къуршалгъан уланланы ювукъ адамлары, оланы авлетлери де гелген эдилер.

Шо гьакъда айта туруп, онда 30 терек  ортнатылгъанын айрыча  эсгермеге тюше. Шолардан 11-не хас белги гьисапда Донбас ва  Луганск бойланы миллетчилерден  азат этегенде оьлюп гетген  уланланы атлары язылды.

Къарабудагъгент районну гьакимбашы Магьмут Амиралиев Украина бойда юрюлеген хас  асгер  гьаракатгъа къуршалгъанланы авлетлери, ата-анасы ва  уьягьлюлери  булан бирче  бир нече терек  орнатгъан сонг, шо гюн юрюлеген  гьаракатны торайып гелеген яш наслуну патриот ругьда тар-биялавда  агьамиятлыгъы гьакъда айтды. Алдын йимик, ял алыв паркгъа гелип, уллулар да, яшлар да Уллу Ватан давну йылларында жанларын къурбан этген юртлуланы да, Украина бойда бугюнлерде бир де къайпан-майлы  игитлик гёрсетген  уланланы да эсге алмагъа болажагъын ташдырды.

Халкъны яшавлукъ къуллукъларын кютеген Къарабудагъгент район хас центрны ёлбашчысы Гюлжанат Темирова бизге билдирегени йимик, шо гюнгю гьаракат мердешли кюйде ювукъда белгиленежек Аналаны гюнюне расландырылып оьтгерилди.

 

Н. БАЙБОЛАТОВ.

 

Авторизация
*
*
Регистрация
*
*
*
Согласны с условиями сайта?
Генерация пароля