Ич ишлени Дербент район бёлюгюне Арабляр юртда 59 йыллыкъ ерли адам уьюнден чыгъып дагъы къайтмагъан ва кисе телефонуна да жаваплар бермей деп билдирив гелген. Ону 36 йыллыкъ уланы англатгъан кюйде, атасы булан эришивю болгъан, шондан сонг ол чыгъып гетген. Дос-къардашына да шолай айтгъан.
Тек ону сёзлери полицейскийлерде бир тюрлю шекленивлени тувдургъан. Хоншуларындан ахтарып, сорап къарагъан, уьйню айланасын тергеп чыкъгъан. Шо заман аранда, бичен аракъланы тюбюнде, атасы оьлген кююнде табулгъан.
Уланы шо оьзюню иши экенге мюкюр болгъан. Декабр айны 9-нда ол хыйлы чагъыр ичип, атасы булан эришген ва ахырда бир нече керен бичакъ булан уруп оьлтюрген. Дос-къардашгъа буса къайтмагъан деп билдирген.
Жинаятчы тутулгъан.Ахтарывлар узатылып тура.
Алав Алиев.
