Алдын ерли де, билдирилгенине гёре, апрел айны биринден тутуп июл айны 15-не ерли яшланы язбашгъы асгер къуллукъгъа чакъырыв юрюле. Шо масъалагъа байлавлу чаралар ерлерде тындырыкълы юйде кютюле демеге ярай.
Айтагъаным, итнигюн, апрел айны 17-нде Къызылюрт шагьаргъа, Къызылюрт ва Хумторкъали муниципал районлагъа къарайгъан военный комиссариатындан Магьачкъалада ерлешген асгерге чакъырыв пунктуна 10 жагьил адам бакъдырылды.

Шо агьвалатгъа байлавлу чарада мунда военный комиссариатны асгер къуллукъгъа къарайгъан чакъырыв бёлюгюню ёлбашчысы Исрапил Магьамматов жагьиллеге насигьат бере туруп, олардан ата-ананы, дос-къардашын унутуп къалмайлы, асгер къуллукъда оьзлени намуслу кюйде тутмакъны талап этди.

Асгер къуллукъгъа чакъырылгъанланы арасында Хумторкъали районну Къоркъмаскъала юртундан Садрутдин Магьамматов, эсгерилген районну Учгент юртундан Ильяс Исаев асгерге чакъырылагъанланы сыдраларын толумлашдыражакъ. Бу бизин уланлагъа асгер борчун кютювде уьстюнлюклер, сав-саламат эсен-аман ёлукъмакъны ёрайбыз.