Команданы инг де багьалы ва уста, дюнья оьлчевдеги футболистлери ойнайгъанда да командабыз утуп болмай турду. Ондан сонг да, бир-бир оюнларда топгъа къапугъа гиргенден къайры барма ер ёкъ дейген гезиклерде де топ къайда да учуп турду, тек къаршы тургъан команданы къапусуна гирмей эди. Муна турнир таблицада хоншубуз Екатеринбургну «Урал» командасын чы уьйде оьзюню къаравчуларыны якълавундан къуванып утар деп тура эдик…
«Анжи-Аренада» ойналгъан шо оюнну биринчи минутларында Россияны жыйым командасына гиреген бизин якълавчу А. Ещенко майданны сол яны булан барып, топну къапугъа ювукъгъа берди. Онда топну П.Соломатин къонакъланы къапучусу бар ерге урду. Бираздан онг якъдан башлангъан гьужумдан да П.Соломатин пайдаланып болмады. Биринчи таймда Дагъыстанны командасы бир нече керен чапгъын этди, тек пайда чыкъмады. Соломатин, Агьматов, Разак гьаракат этип айландылар, амма «Уралны» къапусу «къуру» кюйде къалды.
Экинчи таймда «Урал» команданы гьаракаты гючленди. «Анжиге» кёп къыйынлыкъда оюнну тюзлеме бажарылды. 25 метрдан бизинкилер ургъан штрафной да къапугъа тюз болмады. Ахырынчы он минутда «Анжи» къонакъланы эс тапма къоймай турду. Нетесен, къапусуна топ гийирип чи болмады. Оюнну заманы битип, къошулгъан дёртюнчю минутда «Уралны» чапгъынчысы Х.Асеведо йыракъдан топну алып, бизин къапугъа онгарды. Муна шолай, «Анжи» 0:1 булан утдуруп, бир очкодан да къуру къалды.
Гелеген оюнну «Анжи» Пермни «Амкар» командасы булан 10-нчу ноябрде къонакълыкъда ойнай. Ондан алда, 7-нчи ноябрде, «Анжи» Норвегиягъа барып, Москвада оьзю 1:0 санав булан утгъан «Тромсе» команда булан Европа лигада ойнажакъ.
«Анжи-Аренада» ойналгъан шо оюнну биринчи минутларында Россияны жыйым командасына гиреген бизин якълавчу А. Ещенко майданны сол яны булан барып, топну къапугъа ювукъгъа берди. Онда топну П.Соломатин къонакъланы къапучусу бар ерге урду. Бираздан онг якъдан башлангъан гьужумдан да П.Соломатин пайдаланып болмады. Биринчи таймда Дагъыстанны командасы бир нече керен чапгъын этди, тек пайда чыкъмады. Соломатин, Агьматов, Разак гьаракат этип айландылар, амма «Уралны» къапусу «къуру» кюйде къалды.
Экинчи таймда «Урал» команданы гьаракаты гючленди. «Анжиге» кёп къыйынлыкъда оюнну тюзлеме бажарылды. 25 метрдан бизинкилер ургъан штрафной да къапугъа тюз болмады. Ахырынчы он минутда «Анжи» къонакъланы эс тапма къоймай турду. Нетесен, къапусуна топ гийирип чи болмады. Оюнну заманы битип, къошулгъан дёртюнчю минутда «Уралны» чапгъынчысы Х.Асеведо йыракъдан топну алып, бизин къапугъа онгарды. Муна шолай, «Анжи» 0:1 булан утдуруп, бир очкодан да къуру къалды.
Гелеген оюнну «Анжи» Пермни «Амкар» командасы булан 10-нчу ноябрде къонакълыкъда ойнай. Ондан алда, 7-нчи ноябрде, «Анжи» Норвегиягъа барып, Москвада оьзю 1:0 санав булан утгъан «Тромсе» команда булан Европа лигада ойнажакъ.
А.Гьамзаев.
