Аманлыкъны ярышлары

Къазбек районну Дылым деген юртну янындагъы туристлени майданында республика ярышлар оьтгерилди.

«Аманлыкъны школасы» деген программагъа гёре юрюлген шо ярышларда республиканы бары да районларындан гелген 13-16 йылланы арасындагъы 200 яш ортакъчылыкъ этди. Конкурсларда яшлар агъачлыкъда ёл алып билмек, тас болса, оьзюн сакъламакъ, белгилеге гёре адашгъанда чыгъып болмакъ, кёп ач болмай сакъланмакъ деген масъалалар салынды ва гьар команда нечик кютегени тергелди.

5 гюн оьтгерилген шо ярышларда Хасавюрт райондагъы Б.Ш.Бакиевни атындагъы Кёс­тек орта школаны командасы тюрлю-тюрлю конкурсларда ортакъчылыкъ этди ва 1-3-нчю ерлени алды. Утгъанлар дипломлар ва баракалла кагъыз­лар булан савгъатланды.

Шонча гюн яшлар авлакъда чатырлар къуруп яшадылар, оьзлер аш этип ашадылар, янгы къурдашлар тутдулар ва таза гьавада турдулар, ингдеси, къыйынлы гьалгъа тюшгенде, оьзюн нечик юрютме герекни гьакъында билегенлерин толумлашдылар.

Авторизация
*
*
Регистрация
*
*
*
Согласны с условиями сайта?
Генерация пароля