Алдындагъы гюнлерде Хасавюрт районну маданият центрында чалт шагьмат оюндан Дагъыстанны ачыкъ чемпионаты оьтгерилди. Дагъыстанны спорт министерлигини календарына гирген шо ярышлар Дослукъ орденни кавалери, кёп йыллар жаваплы ишлерде ишлеп тургъан Алевдин Абуковну эсделигине юрюле. Бу гезик ортакъчылыкъ этегенлени санаву 100-ден де артыкъ эди.
Чемпионатны ачылывунда Дагъыстанны Халкъ Жыйыныны депутаты Уллубий Абуков, халкъара гроссмейстер Жакай Жакаев, район админист-рацияны жаваплы къуллукъчулары ва Алевдинни дос-къардашы ортакъчылыкъ этди.
Ярышлар гьар заманда йимик къурумлу оьтдю. Оюнланы натижаларына гёре Хасавюрт райондан эндирейли Магьаммат Абдулвагьабов экинчи ерни алды, яшёрюмлени ва къызланы арасында Октябрское юртдан Шагьурдин Махаев ва Аниса Аминдибирова биринчи ерлени къазандылар.
Савгъатлы ерлени алгъанлагъа дипломлар, кубоклар, медаллар ва акъча савгъатлар берилди.
Къ. КЪОНАКЪБИЕВ.
СУРАТДА: турнирни ахырында алынгъан эсделик сурат.
