«Алдынлыланы гьаракатыны» жыйыны

 

 

Оьтген гюнлерде Бабаюртдагъы «Тангчолпан» деген маданият центрында охувчу яшланы ва яшёрюмлени «Алдынлыланы гьаракаты» деген Бютюнроссия гьаракатыны муниципал форуму оьтгерилди. Маъналы ва гьалиги яшав гьаллагъа  къыйышывлу бу чара 200 охувчуну къуршады.

Районну башчысы Даниял Исламовну атындан форумну ортакъчы-ларына ёравлар булан ону орунбасары Илмидин Абдуразакъов сёйледи.

«Алдынлыланы гьаракаты» яшёрюмлени, патриот ругьда тарбиялавну  кюрчюсю болуп токътамагъа герек. Бизин районну оьсювюне ва алгъа барывуна болушлукъ этип, биригип иш гёреген  яшёрюмлер баргъа мен бек сююнемен. Энниден сонг да барыбыз да бир болсакъ, оьрлюклеге етишежекге инанаман», – деди ол.

– Бу форум бир-бирев булан билимлерибизни, сынавубузну ва къаравларыбызны алышдырмагъа, юртлардан гелген яшёрюмлени арасында татывлукъ тувдуруп, янгы къурдашлар тапмагъа ва янгы билим алмагъа имканлыкъ берди, – дей районда «Алдынлыланы гьаракатыны» ишлерине къарай­гъан касбучу Артур Къазакъбиев.

Форум толу маъналы, пайдалы кюйде оьтдю. Гьаракатчылыгъын гёрсетгенлеге савгъатлар берилди. Яшланы арасындагъы татывлулукъ иссилик, бетлериндеги насипли иржайывлары, оланы шатлы гьислери – «Алдынлыланы гьаракаты» оьзюню айланасына дос коллектив жыйгъанны  эсгермеге тюше.

 

Герейхан ГЬАЖИЕВ,

 

Авторизация
*
*
Регистрация
*
*
*
Согласны с условиями сайта?
Генерация пароля