Тюнегюн, сентябр айны 26-нда, Къаягент районну Янгыкъаягент юртундагъы аэродромда парашют спортдан экинчилей оьтгерилеген бютюнроссия ачыкъ ярышлары башлангъан.
Шоланы барышында янгыз бизин уьлкеден тюгюл, Италиядан, Грециядан, Черногориядан ва Болгариядан гелген спортчулар бар эди. Ярышлар октябр айны 1-и болгъунча узатылажакъ. Шоланы барышында спортчулар бир нече сынавлардан оьтген сонг алдынлылар белгили болажакъ.
Ярышларда биринчиликни алгъанлар Россияны кубогуна ес болажакъ. Ярышланы гьакъындагъы толу маълумат бизин газетни гелеген номерини бетлеринде берилежек.
