Март айны 28-нде Магьачкъаладагъы Дослукъну уьюнде «Дагестанская правда» газетни биринчи номери чыкъгъанлы 105 йыл битегенликге байлавлу шатлы жыйын оьтгерилди. Шонда Дагъыстанны Гьукуматыны Председатели Абдулмуслим Абдулмуслимов, Халкъ Жыйынны депутатлары, гьакимиятны вакиллери, илму чалышывчулар ва интеллигенцияны оьзге вакиллери ортакъчылыкъ этди. Жыйынны ортакъчылары газетни коллективи онгаргъан выставка булан да таныш болду. Шонда «Дагестанский труженик» деген аты булан чыкъгъан...

Арбагюн, март айны 29-нда, Дагъыстанны Башчысы Сергей Меликов Украина бойда юрюлеген хас гьаракатны вакътисинде яра тийип, асгер къуллукъ этип уьйлерине къайтгъанлар булан ёлукъгъан. Оьтгерилген шо ёлу­гъувда ортакъчылыкъ этгенлени гьариси – асгер къуллукъда игитлигин ва къоччакълыгъын гёрсетмеге бажаргъан уланлар. Шолай, капитан Расим Агъасиев оьзюню ёлдашын от-оьртенни ичинден алып чыгъып гелегенде авур кюйде яралангъан, лейтенант Ибрагьим Салаватовну...

«Къоркъунчсуз ёллар» деген милли проектге гёре, Дагъыс­танда артдагъы 3 йылны ичинде кёп ёллар янгыртылып ва къурулуп тура. Шо ишлени бир гесеги Буйнакск районда да юрюле. Шонда «Магьачкъала-Буйнакск–Лаваша ва Оьр Гуниб» деген уллу ёл мукъаятлы ярашдырылып тура. Республика оьлчевдеги шо ёл тав районланы ва Буйнакск шагьарны, районну юртларын тахшагьарыбыз булан байлай. Демек, шо ёл районланы яшавлукъ-экономика...

Алдагъы гюнлерде Москвада спортну ушу-саньда журасында яшёрюмлени арасында Россияны чемпионаты оьтгерилди. Шо ярышларда Дагъыстанны жыйым командасына къуршалгъан Башлыгент юртну (Къаягент район) орта школасыны 9-нчу класында охуй­гъан Элдерхан Амирарсланов да ортакъчылыкъ этген. Эки гюнню уза­гъында юрюлген ярышланы натижасында яш спорт­смен биринчи ерге ес болгъан. Шо – уллу уьстюнлюк. Шогъар етишмек учун Элдерхан халчагъа уьч керен чыкъгъан...

25-нчи март – Россияны маданият къуллукъчуларыны гюню Гьар къайсы девюрде де юрт клублар маданиятны отаву болуп гелген. Совет девюрде гьар юртубузну алсакъ да, жанланыв булан иш гёреген маданият къалаланы биналары безей эди. Бугюнлерде шолай ишлейген маданият къалалар булан кёбюсю юртлар макътанма болмай. Оларда яратывчулукъ иш бирдокъда токъталып къалгъан деп айтма болмайман. Юртларда маданият ожакъны очагъын...

Оьтген сонгугюн Хасавюрт районну Ботаюрт ва «Садовое» юртларында бавну инг яхшы бутавчусун сайлайгъан республика оьлчевдеги конкурс оьтгерилди. Конкурсда гьар райондагъы конкурсларда утгъанлар ортакъчылыкъ этди. Шоланы арасындан да 25 адам сайлангъан эди. Жюриге башчылыкъ этеген Краснодар крайны Бавчуларыны союзуну председатели Николай Щербаков конкурсну ортакъчыларыны гьаракатына тамаша болду ва ишине оьр багьа берди. Гьар ортакъчы 50 минутну...

Март айны 29-нда «Дагестанская правда» газетни редакциясында Дагъыстан Республиканы юстиция министрини заместители Сергей Караченцев журналистлер булан ёлугъуп прес конференция оьтгерди. Ёлугъув Дагъыстан Республиканы пачалыкъ архивини 100 йыллыгъына багъышлангъан эди. С.Караченцев Дагъыстан Республиканы пачалыкъ архив фонду уллу экенин ва эсгерилген фондну материалларын компьютер къураллагъа гийиривге байлавлу иш юрюлегенни эсгерди. Ону айтывуна гёре, гележекде архивлени бары да...

Бизин республикагъа артдагъы бир нече йылны узагъында сапаргъа, геземеге, Дагъыстанны гёзел ерлерин гёрмеге, Хазар денгизде киринмеге кёп санавдагъы туристлер гелмеге башлагъан. Маълумат къураллар язагъан кюйде, 2022-нчи йылда Дагъыстангъа 1,5 миллион турист гелген. Муна бу йыл да язбаш оьзюню ихтиярларына эрте гирди ва республикабызгъа туристлер гелмеге башлады. Дагъыстан Республикада туризмны оьсювюню ва шону айланасында гёрюлеген чараланы...

Навруз язбашны биринчи байрамларындан санала. Бир-бир пачалыкъларда янгы йыл булан да тенглешдириле. Гьар йыл шо байрам Дагъыстанда да оьтгериле. Жуманы башында Магьачкъалада М.Горькийни атындагъы театрны майданында Навруз байрамгъа багъышлангъан чаралар болду. Байрам Магьачкъаладагъы азербайжанлыланы милли-маданият автономиясыны ва Дагъыстанны милли политикагъа ва дин ишлеге къарайгъан министерлигини сиптечилиги булан оьтгерилди. Шонда ортакъчылыкъ этген республиканы гьакимлигиндеги жаваплы къуллукъчулар,...